Om Sandal

Sandal har tillhøyrt Hamrekyrkja, truleg så langt attende som garden har eksistert.

Den fyrste skriftlege kjelda om eigartilhøve har me frå kring 1350, og der står Sandal oppført blant kyrkja sine eigedomar. Brukarane måtte venta heilt til 1834 og 1839 før dei fekk kjøpa bruka sine. Første del av namnet kjem av det gamalnorske ordet ”sandr” som tyder sand.

Sandal ligg på Osterøy utanfor Bergen. Osterøy er nordens største innlandsøy.

Sandal gard består av eit gamalt hus frå 16oo-talet, truleg det eldste huset på Hamre. Huset blei delt då våningshuset me bur i blei bygd i 1920-talet, og den eine delen av gamlahuset blei ei av stovene i det nye. Det er eit typisk vestlandshus med kjøken i midten og ei stove på kvar side.

Driftsbygningen blei bygd på 1950-talet og er og typisk for den tida.

Elles har me ein stor garasje og eit drivhus.
Eigedomen er på ca. 200 dekar.

Kontakt oss

07/21/2008 22:41